Isa-isa na nga nagaabot sa pungsod ang mga player sang Gilas Pilipinas para sa nagahilapit nga FIBA Asia Cup sa palaabuton nga Dominggo.
Nagikan sa mga liga nila nga ginpasakupan sa iban nga pungsod, nag-abot na sa Pilipinas sanday Kai Sotto kag guard nga si Dwight Ramos samtang ginalauman naman sa mga masunod nga adlaw magaabot sanday AJ Edu kag Carl Tamayo.
Ginpahayag ni Gilas team manager Richard Del Rosario, nga magaabot subong nga adlaw si AJ samtang sa a-kinse naman si Carl.
Gilayon nga magadiretso si Tamayo sa Inspire Sports Academy sa Laguna kun sa diin magasugod sa adlaw sang Biyernes ang ila nga training camp.
Sa nasambit nga apat nga player si Edu lamang ang player sa pagpamuno ni head coach Tim Cone.
Una nga makaatubang sang Gilas ang New Zealand sa Nobyembre 21 sa Mall of Asia Arena kag pagasundan sang Hong Kong sa Nobyembre 24.
