Ginang arestado sa kaso nga Estafa

PANAY,CAPIZ – Arestado ang isa ka 48 anyos nga ginang matapos ginserbihan sang Order of Arrest sang mga kapulisan sa Barangay Bonga, Panay, Capiz.

Ginkilala ang suspek kay Melina Billones sang nasambit man nga lugar.

Kaso nga Estafa ang ginapangatubang sang nasambit nga akusado.

Ang nasambit nga warrant of arrest ginpirmahan kag gin-isyu ni Hon. Rogelio J Amador, Presiding Judge, Regional Trial Court, 6th Judicial Region, Branch  66 Barotac Viejo Iloilo sadtong Oktubre 07, 2019.

Ginrekomendar naman sang korte ang 16 mil pesos nga piyansa para sa temporaryo nga kahilwayan sang akusado.

Sa karon, nakahunong na sa karsel sang Panay Municipal Police Station ang arestado.