ROXAS CITY – Dakop sa akto ang Ginang, matapos nagapatigayon sang illegal nga pasugal ukon STL bookies sa Pob. Ilaya Panay, Capiz.
Ang nasambit nga Ginang ang ginkilala kay alyas “Nina”.
Natigayon nga madakpan si alyas “Nina” pinaagi sa nagpakuno-kuno nga Poseur-Bettor nga miyembro sang Tracker Team kag samtang nagapatigayon sang operasyon nga Anti- Illegal Gambling ang Panay MPS.
Nakuha sa posesyon sini ang Bet receipt nga may number combination; bet/collected money, Redmi nga cellphone, Thermal receipt printer nga may pouch, bundle paper stub sa nagkalain-lain nga number combinations, stub, P4,151.00 sa nagkalain-lain nga denominasyon kag 1 sling bag nagaduag pula.
Sa karun yara na sa kustodiya sang Panay Municipal Police Station ang nasambit nga nadakpan para sa nagakaigo nga disposisyon.
