ROXAS CITY – Nagreklamo sa Roxas City Police Station ang isa ka ginang matapos ginaalegar nabiktima sang scam.
Ginkilala ang tagreklamo kay Lexie Gregorio, 39 anyos, residente sang Sitio Nasagud, Barangay Lanot, Roxas City.
Sandig sa ginpabalhag sang ginang, nakabaton ini sang pagpanawag gikan kay certain Dexter kag nagpakilala nga representante sang isa ka bangko sa siyudad.
Ginpahayag sini nga nagtanyag ang suspek sang credit limit sang credit card nga wala sang annual payment.
Didto kag na-engganyo man ang ginang rason nga ginhatag sini ang 6-digit pin sang iya nga credit card.
Apang sa iya kakibot, natukiban sini nga may yara na sang credit transaction sa iya nga credit card nga nagabalor sang masobra P24, 000.
Bangud diri, ginpakamaayo na lamang sang ginang nga ipabalhag sa pulisya ang nasambit nga insidente.
