Ginapahayag nagapangsulod-sulod nga lalaki sa mga kabalayan sa Brgy. Barra, indi tumandok sa ila Barangay

BARRA, ROXAS CITY – Indi tumandok sang Barangay Barra, Roxas City, ang lalaki nga ginapahayag nagapangsulod-sulod sa mga kabalayan sa ila lugar.

Ini ang ginpahayag ni Punong Barangay Ernie Lorenzo sang Barangay Barra sang mainterview sang Bombo Radyo.

Suno kay PB Lorenzo, may nagreport sa iya nga barangay officials nga may yara sang isa ka indibidwal nga makaduluda kag indi familiar nga ila residente.

Mahibaluan nga sang damlag lang, may mga report nga nagkaladula nga kasapatan kaangay sang manok, kanding, kag iban pa ang natigayon nga mataban sang wala makilan-an nga kawatan.