Nag-umpisa na ang gobyerno sa pagpatigayon sang auction sa luxury vehicles sang kontrobersyal nga contractor nga sanday Curlee kag Sarah Discaya.
May yara sang inspection nga ginpatigayon sa pito ka mga salakyan kag ini ang ginpangunahan ni Bureau of Customs Ariel Napomuceno sa diin ginalauman sini nga makakuha ang auction sang masobra P100 million.
Suno sa iya, ang auction indi lang agud makakuha sang kwarta halin sa luxury vehicles bangud mas importante amo ang simbolismo kag paghatag pagtamod nga kun may yara sang ginhimo nga sala, may yara gid sang manabat kag ang kwarta sang pungsod ang dapat nga panginpuslan sang mga Filipinos.
“Pag tinignan natin ang kabuuan ang maaring makuha natin sa pag-aauction, P110 million, pag binuo pa natin yung 13 sasakyan, pag anbuo yun P220M plus,” pahayag niya.
Sa inspection, yara man ang presensya nanday Independent Commission for Infrastructure (ICI) chairperson Andres Reyes Jr. , Department of Public Works and Highways (DPWH) Secretary Vince Dizon, kag newly appointed Finance chief Frederick Go.
“We are here today to restore what rightfully belongs to the people. This is justice in practice,” suno kay Reyes.
Ang mga luxury cars nga ipaidalom sa auction amo ang mga masunod;
Toyota Tundra (2022) P4,994,079.00
Toyota Sequoia (2023) P 7,258,800.36
Rolls Royce Cullinan (2023) P 45,314,391.11
Mercedes-Benz G63 AMG (2022) P 14,104,768.00
Mercedes-Benz G500 (2019) Brabus P 1,843,239.43
Lincoln Navigator L (2021) P 7,038,726.14
Bentley Bentayga (2022) P17,311,121.93
TOTAL: P103,865, 125.97
Una na nga ginpahayag sang Bureau of Customs nga may yara sangP100 million nga buwis ang Discayas nga wala pa mabayaran matapos makuha ang 13 sa 30 ka mga luxury vehicles.
