Goodbye travel tax?

Nag-file sang House Bill No. 7443 si House Majority Leader and Ilocos Norte 1st District Rep. Sandro Marcos agud nga dulaon na ang travel tax.

Ang proposed bill nagasiling nga wala dapat sang ahensya sang gobyerno ukon private entity nga magkolekta sang travel taxes sa tion nga mangin epektibo ang ginaduso nga hagna.

Sandig sa hagna, ang travel tax subong ang yara sa ₱2,700 para sa first-class kag ₱1,620 para sa economy class nga amo ang nagahatag sang bug-at sa mga Filipino.

Ini man ang rason sa paghinay sang pag-umwad sang ekonomiya.

Sa tion nga mangin layi, kinahanglan ibalik gilayon sang otoridad ang anuman nga una nga ginbayad nga travel tax para sa mga flight nga naka-schedule sa petsa sang pagpatuman sini.