-- ADVERTISEMENT --
ROXAS CITY – Nagpalab-ot sang pagpasalamat si Governor Fredenil ‘Oto’ Castro sa mga tawo sa likod sang madinalag-on nga selebrasyon sang Capiztahan 2023.
Sa speech ni Castro sa Pagpasidungog kay Maria: Santacruzan Closing Program, ginpasalamatan sini ang 17 tanan ka mga Local Government Unit (LGU) nga nagsuporta sa tanan nga aktibidades nga ginpreparar sang gobyerno probinsyal humalin sa pagsugod sang Capiztahan tubtob subong nga adlaw.
Suno diri, indi maagum sang provincial government ang madinalag-on nga Capiztahan kun indi bangud sa bulig sang tagsa ka munisipalidad.
Wala man nagkalipat magpasalamat ang gobernador sa Makaako sa pag-ubay sa mga tawo humalin sang umpisa tubtob sa pagtakup sang Capiztahan.
