Grade 1 pupil, ginamolestiya sang iya tiyo sa Roxas City

ROXAS CITY – Nagdangop sa pulisya ang ginikanan sang isa ka pito ka tuig nga Grade 1 pupil bangud ginaalegar nga ginamolestiya ini sang iya nga tiyo.

Base sa nakuha nga impormasyon sang Bombo Radyo, ginkatingala sang iya nga amay ang hinali nga pagkamahipuson sang anak sini.

Sang ginpamangkot sang iya mga ginikanan, gilayon nga nagsugid ang biktima nga ginamolestiya ini sang iya nga tiyo.

Ginpahayag pa sang biktima nga nahadlok siya sa iya nga tiyo rason nga wala ini gilayon nakasugid sa iya ginikanan.

Sa karon, yara na sa Women and Children Protection’s Desk sang pulisya ang nasambit nga kaso.