CAGAYAN DE ORO CITY – Nasapwan nga wala na sang kabuhi ang 21-anyos nga babaye nga graduating college student sa sulod sang iya boarding house sa Barangay 7, syudad sang Cagayan de Oro.
Suno sa panaysayon sang landlady, nanutaran niya nga may baho nga naghalin sa Room No. 1.
Sang ginbuksan ang kwarto, natukiban ang bangkay sang biktima nga nagaumpisa na sa pagkaagnas kag may nagabalabag pa sa ganhaan sang gintinguhaan nila ini nga sudlon.
Sa imbestigasyon, natukiban nga isa ka lalaki nga empleyado sang Cagayan de Oro City Disaster Risk Reduction and Management Department (CDRRMD) ang naga-arkila sang Room No. 1 kag ginakabig subong nga person of interest matapos huli nga nagreport sa trabaho sang Pebrero 17, 2026.
Igapaidalom sa autopsy ang bangkay sang biktima nga huli nga nakit-an buhi pasado alas 6:00 sang aga sang Pebrero 17 agud mahibaluan ang gintunaan sang iya kamatayon kag kon may natabo nga kalakasan sa insidente.
