-- ADVERTISEMENT --
ROXAS CITY – Nagluntad ang grass fire incident sa Barangay Malag-it banwa sang Pontevedra, Capiz takna 10:35 kaina sang aga.
Sa impormasyon nga nakuha sang Bombo Radyo, narespondehan gilayon sang Bureau of Fire Protection (BFP)-Pontevedra ang insidente kag ginabulubanta 300 square meters ang nasunog.
Masuwerte naman nga wala sang may naulamid nga mga panimalay.
Ginalantaw nga rason sang sunog ang napabay-an nga pagsuga ukon pagdap-ong.
Pahanumdom sang BFP-Pontevedra sa mga pumuluyo nga mangin alisto sa tanan nga ginahimo, ilabi na kun nagagamit sang kalayo agud indi makahalit sa palibot kag sa isigkatawo.
-- ADVERTISEMENT --
