‘Green box’ nga nagaunod sang tax records ni VP Sara, ginbalik sang Senate impeachment court sa BIR

Ginbalik sang Senate impeachment court sa Bureau of Internal Revenue (BIR) ang ginatawag nga “green box” nga gin-alegar nagaunod sang tax records ni Vice President Sara Duterte kag sang iya bana nga si Atty. Maneses Carpio.

Suno kay Senate impeachment court Presiding Officer Sen. Chiz Escudero, indi pa makonsidera ang unod sang kahon bangud wala pa ini na-file ukon namarkahan bilang ebidensya sa impeachment trial.

Bangud sini, una nga ibalik sa BIR ang nasambit nga kahon samtang wala pa ini pormal nga nasulod bilang ebidensya sa hearing.

Matandaan nga una ini nga gindala sa hearing sang House Committee on Justice apang wala man ini ginbuksan.