Magahatag sang libre-sakay ang transport group nga Manibela sa mga magapartisipar sa igapatigayon nga hublag protesta sa Setyembre 21 nga hiwaton sa Luneta Park sa Manila kag EDSA Shrine sa Quezon City.
Suno kay Manibela Chairman Mar Balbuena, ang tanan nga miyembro sa Luzon ang maga-ugyon sa nasambit nga hublag.
Matandaan nga nagkalain-lain nga civil society organization kaupod ang mga lider sang simbahan ang maga-upod sa hublag sa Dominggo nga pagatawgon “Trillion Peso March” bilang pagpamatok batuk sa maanomaliya nga mga flood control projects.
Nahibaluan nga ang Setyembre 21 amo man ang ika-53 nga anibersaryo sang pagdeklara sang martial law sa idalom ni anay Presidente Ferdinand Marcos Sr. nga ginpapanaog sa pwesto pinaagi sa 1986 People Power Revolution sa EDSA.
