Gindayaw sang Federation of Filipino Chinese Chambers of Commerce and Industry, Inc. (FFCCCII) ang Philippine National Police (PNP) sa pagkaaresto sang pila ka mga indibidwal nga imbolbado sa pag-abduct kag pagpatay sa negosyante nga si Anson Tan kag ang driver sini nga si Armanie Pabillo.
Ginpahayag ni FFCCCII President Victor Lim nga importante nga mag-angkon sila sang kaangtanan sa PNP agud indi na maliwat ang nasambit nga insidente.
Nagalaum man sila nga maaresto pa sang PNP ang pila ka mga indibidwal nga yara sa likod sang pagpatay sang nasambit nga negosyante.
Nagpanawagan man ini sa Department of Justice nga mahatagan gilayon sang hustisya ang mga biktima pinaagi sa pagpasaka sang kaso batuk sa mga naaresto nga suspek.
Ginhatagan pagtamod sini nga ang pag-angkon sang malinong nga lugar amu ang makaganyat sang mas madamo nga mga investors sa pungsod.
