Nagapati si Presidential Anti-Organized Crime Commission spokesperson Winston Casio nga naggamit sang private plane si dismissed Bamban Tarlac Mayor Alice Guo sa pagguwa sa pungsod.
Ginpahayag pa sang PAOCC nga posible man nga nagahinyo na si Guo sang political asylum sa iban nga pungsod.
Ini ang kinamatarong sang isa ka dumuluong nga magpangabuhi sa iban nga pungsod sa tunga sang political prosecution.
Suno kay Casio, indi na magbalik pa si Guo sa China bangud sa pagkaulamid sini sa iligal nga POGO.
Una na nga na-report ang pagtuyo ni Guo sa pagtabok sa ginatawag nga golden triangle region.
Ang Golden Triangle ang mabukid nga rehiyon sa tunga sang Laos, Myanmar, kag Thailand. Kilala ini bilang pugad sang iligal nga droga, mga triad kag sang pila ka mga sindikato kun sa diin may lapnagon nga operasyon sa iban pa nga pungsod sa Southeast Asia.
Nagapati naman ang PAOCC nga nagapabilin sa isa ka hotel sa Indonesia si Guo.
