Padayon nga naga-eksperyensya sang malain nga panahon ang Western Visayas tuga sang gintingub nga epekto sang Southwest Monsoon (Habagat) kag tatlo ka tropical cyclones nga sanday Bagyo Mirasol, Nando, kag Opong, sandig sa Situational Report No. 8 sang rehiyon.
Sa report kagina las-singko sang aga, Setyembre 27, 2025, ginpahayag nga ang Bagyo Opong ang wala na ginalauman nga magtuga sang tuman nga pag-ulan sa mga kaprobinsyahan sang Palawan, Occidental Mindoro, Oriental Mindoro, Batangas, kag Cavite.
Subong man, padayon sa gihapon nga ginlauman ang pagbubo sang palapta-lapta nga pag-ulan kag pagpanaguob sa Metro Manila, Ilocos Region, Central Luzon, CALABARZON, MIMAROPA, Western Visayas, Negros Island Region, kag Zamboanga Peninsula sa sulod sang masunod nga 24 oras.
Ginapangabay ang mga residente sa mga apektado nga lugar nga maghalong sa posible nga pagbaha kag pag-usmod sang duta.
Padayo nga nagamonitor ang mga lokal nga gobyerno kag mga ahensya agud mahatagan sang igtalupangod ang ano man nga posible epekto sang malain nga tyempo.
