Ginkumpirmar sang Malacañang ang pag-sertipika bilang urgent ni Pangulong Ferdinand R. Marcos Jr. sa hagna nga magapaiway sang parliamentary elections sa Bangsamoro Autonomous Region in Muslim Mindanao (BARMM).
Apisar aprubado na, indi pa maathag kun sa diin nga bersyon sang hagna ang ginsertipikahan sang Pangulo.
Sa bersyon sang Senado nga nakapasar na sa ikaduha nga pagbasa, ginasuhestiyon diri nga isaylo ang eleksyon halin Mayo 11, 2025 padulong sa Oktubre 2025.
Samtang, ang bersyon naman sang Kamara nga gin-aprubahan na sa ikatatlo kag ulihi nga pagbasa, nagatuyo nga italana ang nasambit nga piniliay sa Mayo 2026.
Tinutuyo naman sang mga hagna nga hatagan sang ligwa ang mas mapag-on nga pagdumala sa rehiyon samtang ginakaayo pa ang mga proseso agud epektibo nga mapatuman ang mga layi kag programa sa lugar.
Matandaan nga nakatalana kuntani nga patigayunon ang una nga parliamentary election sang BARMM kadungan sang National and Local Elections (NLE) sa palaabuton nga Mayo 2025.
