Halos 40 katawo sa Vietnam, patay sa pagpanalasa sang typhoon Yagi

Naglab-ot na sa 35 katawo ang kumpirmado nga namatay sa Vietnam, kasunod sang pagpanalasa sang bagyong Yagi nga anay gintawag bilang Enteng sa Pilipinas.

Magluwas sa 35 katawo nga napatay, may yara man 24 katawo ang nadula bangud sa mga pagbaha kag pila ka insidente sang pagtiphag sang duta.

Una nga nag-landfall ang nasambit nga bagyo sa China kun sa diin masubra isa ka milyon katawo ang naapektuhan kag liwat nga nag-landfall sa Vietnam.

Magluwas sa mga missing kag namatay, masubra milyon nga kabahayan ang nadulaan sang power supply, kalakip na ang mga kumpanya.

Nadula man ang maayo nga communication service, internet service, kag pila pa ka vital services.