Nagpanugyan ang isa ka health expert sa publiko nga halongan ang ikaayong lawas bangud indi imposible nga makaangkon man sang balatian nga diverticulitis kaangay sang ginasuprer ni President Ferdinand Marcos Jr.
Sa interview sang Bombo Radyo kay Dr. Philip Ian Padilla, iya ginpahayag nga ang nasambit nga balatian ang masami nga nagaapekto sa mga may edad.
Suno kay Padilla, ang mga sintomas sang diverticulitis amo ang pagsakit sang tiyan kag kon ini ang ma-infect, mahimo ini maghulog sa hilanat, diarrhea, kag pagpalanuka.
Pahayag niya, samtang naga-edad ang isa ka tawo, nagadaku man ang risgo nga mangin maluya ang intestines, ilabi na kon indi insakto ang ginakaon kag may mga bisyo kaangay sang pagpanigarilyo, kag stress.
Dugang pa sang natungdan, kun may yara sang pagpalanakit sang tyan, mas mayo gid nga ipa-check gilayon sa health expert agud makapaidalom sa laboratory tests kag makit-an ang kahimtangan sang intestines.
