CULASI ROXAS CITY- Pilas sa ulo kag magkatuhay ng parte sang lawas ang naangkon sang isa ka lalaki nga himata sang BHW, matapos ginapahayag nga ginkastigo sang wala makilan-an nga mga persona sa Sitio Nipa, Brgy. Culasi, Roxas City.
Matandaan nga ginkilala ang biktima kay alyas Barok, yara sa legal nga pang-edaron kag residente sang nasambit nga lugar.
Sa interview sang Bombo Radyo kay Barangay Kagawad Mary Jane Almalbis sang amu nga barangay, ginpahayag sini nga may nagpangayo sa ila sang bulig kun sa diin may yara sang isa ka lalaki nga pilason kag nagapangluya na.
Suno kay Almalbis, gilayon nila nga ginpadulungan ang lugar agud tsekyaron kag sa ila pag-abot nakit-an sini nila ang biktima nga nagpungko na sa isa ka tricycle kag pilason.
Bangud sini, gilayon nila ini nga ginbuliganan kag ginpadulungan ang pamilya antes ginpadangat sa ospital agud dapatan sang nagakaigo nga pagbulong.
Ginaalegar nga may atraso ang amo nga biktima rason nga ginpulihan sang wala makilan-an nga mga persona.
