ROXAS CITY – Gin-aprubahan na sang Sangguniang Panlalawigan ang resolusyon nga ipaidalum ang bug-os nga probinsya sang Capiz sa state of calamity.
Ini ang ginkumpirmar ni Board Member Jonathan Besa, sang mainterview sang Bombo Radyo.
Ginpahayag sini nga kahapon kuntani aprubahan ang amo nga resolusyon, apang kulang ang mga dokumento nga gin-sumiter sa Sangguniang Panlalawigan.
Sa ginpatigayon nga sesyon subong nga adlaw, ba-se sa datos nga ginpresentar ni Nieva Camposana sang PSWDO, may yara sang kapin 35,000 nga mga pamilya ang apektado sang kalamidad sa bug-os nga probinsya, nga nangin basehan agud aprubahan ang resolusyon nga ipaidalom sa state of calamity.
Mahibaluan, nga sa amo nga deklarasyon, gin-painan man sang masobra P10 milyones nga pondo bilang ayuda sa mga apektado nga mga pamilya kag igatugyan sa Philippine Red Cross ang pag-panagtag bangud sa naga-exister nga Election Spending Banning.
