Handa na nga atubangon ni House Majority Leader Ferdinand Alexander “Sandro” Marcos sang Ilocos Norte ang imbestigasyon sang Independent Commission on Infrastructure (ICI) may kaangtanan sa flood control projects.
Boluntaryo niya nga ginpahibalo ang Komisyon sa isa ka sulat nga napetsahan Nobyembre 26, 2025, nga ginpadala kay ICI Chairperson Andres B. Reyes Jr.
Sa nasambit nga sulat, ginpahayag ni Marcos nga lubos niya nga ginasuportahan ang tinutuyo sang Komisyon nga “hibaluon ang kamatuoran sa nagapadayon nga imbestigasyon sa mga proyekto sa Flood Control.”
Ginpanindugan niya nga handa sia nga magtestigo sing personal sa tagsa ka tion nga ipatawag sia, kag nga bukas sia sa pagbulig sa ila mga pagtinguha sa pagpangita sing kamatuoran.
Sa separado nga pahayag, ginhatagan pagtamod ni Marcos nga dapat palareho ang pagpatuman sang layi kag wala sang dapat ibutang sa ibabaw sini.
Dugang pa sang Majority Leader nga bukas siya sa pagsabat sa anuman nga palamangkutanon kag handa siya nga klaruhon ang anuman nga isyu agud makabulig sa gobyerno.
