MANILA, Philippines – Ginpaiway sang House of Representatives justice committee ang pagbukas sang record box nga nagaunod sang tax records ni Vice President Sara Duterte, Manases Carpio, kag sang ila mga entidad sa negosyo nga mahimo madalahig sa isyu
Sa 21-4 nga boto, nagdesisyon ang komite nga i-table ang motion nga buksan ang box nga gin-file sang Bureau of Internal Revenue (BIR).
Nagtambong si BIR Commissioner Charlito Mendoza sa ikatatlo nga hearing sang mga reklamo sa impeachment batok sa bise presidente agud kumpirmahon ang pagsumite sang mga dokumento, nga ginbutang sa sealed box.
Suno kay Mendoza, naka-condition ang pagsumite sang mga records sa pag-review sang executive session suno sa Section 20(a) sang National Internal Revenue Code (NIRC), samtang ang tinutuyio sang amo nga kasuguan ibuyagyag ang rekord sang buhis.
Apang ginpahayag ni House justice committee chair kag Batangas Rep. Gerville Luistro nga wala sang partikular nga probisyon ang NIRC angot sa impeachment proceedings.
Samtang gintumod naman ni Cagayan de Oro Rep. Rufus Rodriguez kag Mamamayang Liberal party-list Rep. Leila de Lima bilang basehan sa paghinun-anon ang pinasahi nga kinaiya ukon “sui generis” sang impeachment proceedings.
Sa tunga sang paghinun-anon, ginpahayag ni Mendoza nga posible bawion sang BIR ang ginsumiter nga dokumento, apang ginklaro ni Luistro nga magapabilin sa komitiba ang kahon.
Kasunod sang nagapadayon nga pagboto, ginhingyo ni Akbayan party-list Rep. Perci Cendaña kay Mendoza nga pirmahan sang tape ang mga parte sang kahon agud masiguro ang integridad sang selyo sini.
Sa karon sa pagtakop sang hearing, ginpahayag ni Mendoza nga ginatugyan na karon sang BIR sa komitiba ang pagdesisyon sang pagbukas sang sealed box.
