-- ADVERTISEMENT --
ROXAS CITY – Gintupok sang kalayo ang isa ka housing unit sang National Housing Authority (NHA) sa Sitio Adlawan, Barangay San Blas, Pilar, Capiz.
Ini ang ginpahayag ni Senior Fire Officer 1 John Dave Blanco, ang Deputy Chief sang Pilar Municipal Fire Station sang mainterview sang Bombo Radyo Roxas.
Ang amo nga housing unit ang ginapanag-iyahan ni Prescila Patricio.
Suno kay Blanco, wala sang tawo ang amo nga housing unit sang nag-ibwal ang kalayo nga madasig naglapta kag naglamon sa bilog nga balay.
Sa karon wala pa matumod kun ano ang gintunaan sang nasambit nga sunog.
-- ADVERTISEMENT --
Padayon naman ang imbestigasyon sang mga otoridad agud mahibaluan ang kabug-usan nga kahalitan sang amo nga sunog.
