Magapadayon ang hublag-protesta sang Iglesia Ni Cristo (INC) sa Liwasang Bonifacio sa Manila subong nga adlaw, matapos nga ginbawi sang Quezon City City Government ang extension sang permit para sa ila pagtililipon sa EDSA-White Plains.
Katuyuan sang tikang nga padayon nga magamit ang ila right to express.
Bilang preparasyon, ginpahayag ni National Capital Region Police Office (NCRPO) chief Police Major General Anthony Aberin nga magadeploy sila sang inisyal nga 1,000 ka mga pulis sa Liwasang Bonifacio agud masiguro ang seguridad sang mga partisipante kag publiko.
Dugang sini nga posible madugangan ang numero sang mga kapulisan depende sa kadamuon sang mga tawo nga magatambong sa hublag-protesta.
Nagpangayo man sang dugang nga pwersa ang NCRPO gikan sa iban pa nga police units kag handa man nga magpahamtang sang dugang nga CCTV cameras sa palibot sang lugar.
Ginpahayag man sini nga nagapabilin sa full alert status ang mga kapulisan lakip na ang mga naka-deploy sa palibot sang Malacañang.
