Ginalantaw sang IBON Foundation nga indi daku ang makuha nga benepisyo sang Pilipinas sa pagahiwaton sang ASEAN Summit sa Manila sa Nobyembre 17.
Sa interview sang Bombo Radyo kay Sonny Africa, Executive Director sang IBON Foundation, iya ginpahayag nga isa sa mga rason amo nga wala sang panindugan ang Pilipinas kag nagadepende gihapon sa iban nga pungsod.
Suno kay Africa, kulang man ang suporta sa lokal nga agrikultura kag wala pa sang mabakod nga industriya nga makasuporta sa ekonomiya sang pungsod.
Bangud sini, ginapakita sang IBON Foundation nga kinahanglan una nga pabakuron sang Pilipinas ang iya kaugalingon nga ekonomiya, ilabi na ang agrikultura kag lokal nga industriya, agud masiguro nga may yara ini sang benepisyo sa mga internasyonal nga pagtililipon pareho sang ASEAN Summit.
