Patay ang isa ka nga lalaki matapos maaksidente sa ginasakyan sini nga motorsiklo sa Barangay Astorga, Dumarao, Capiz.
Ang biktima amo si alyas Roy, 56-anyos kag residente sang nasambit nga lugar.
Sa interview sang Bombo Radyo kay Police Lieutenant Russell Husmalaga, Officer-in-Charge sang Dumarao Municipal Police Station, iya ginpahayag nga naghalin ang biktima sa balay sang iya abyan nga kun sa diin nakainom ini sang makahulubog nga ilimnon.
Suno kay Husmalaga, pag-abot sang biktima sa nasambit nga lugar, nadulaan ini sang kontrol sa motorsiklo kag nahulog sa madalom nga bahin sang lugar.
Ginpahayag man sang sini nga kumbinsido ang pamilya sang biktima nga wala sang foul play sa natabo kag aksidente lamang ang kamatayon sang ila himata.
Bangud sini, nagpanawagan ang kapulisan sa mga motorista nga indi magmaneho kon nakainom sang makahulubog nga ilimnon kag magsunod sa mga regulasyon sa dalan agud malikawan ang aksidente.
