Ginkakibot sang IBON Foundation ang natabo sa senado kasunod sang paglagsanay sang mga sang National Bureau of Investigation ukon NBI agents nga maserbe sang warrant of arrest batok kay Senador Ronald dela Rosa may kaangtanan s kaso nga crimes against humanity sa International Criminal Court.
Sa interview sang Bombo Radyo kay Sonny Africa, Executive Director sang IBON Foundation, iya ginpahayag ng daw kaangay nga ginaprotektahan sang senado ang mga opisyal nga may ginapangatubang nga kaso.
Suno kay Africa, makita man sa reaksyon ni Sen. Bato Dela Rosa nga indi na sini kaya nga panindugan ukon depensahan ang iya anay nga maisug kag mabaskog nga mga pahayag may kaangtanan sa war on drugs kag sa posibilidad nga magapatubang ini sa ICC.
Dugang pa sini, nga daw nangin “circus” ang sitwasyon sa Senado bangud sang kagamo kag pagtililipon sang mga otoridad kag supporters.
Nagalaom man ini nga ang mga opisyal nga mapamatud-an nga may sala maga-angkon sang accountability kag magapatubang ang nagakaigo nga proseso sang kaso.
