Nagapati ang IBON Foundation nga may klaro nga suporta ang administrasyon para mapadayon ang impeachment complaint batok kay Sara Duterte.
Bangud sini, madamo ang nagboto pabor sa impeachment kag nalab-ot man ang masobra pa sa ginakinahanglan nga 106 ka boto sa House of Representatives.
Sa interview sang Bombo Radyo kay Sonny Africa Executive Director sang IBON Foundation, iya ginpahayag nga para sa ila, indi lamang accountability ang isyu sa likod sang impeachment kundi posible man nga may kaangtanan ini sa pulitika kag interes sang administrasyon.
Suno kay Africa, makita man nga mas desidido ang admistrasyon nga ipadayon ang impeachment complaint batok sa bise presidente.
Matandaan nga sa nasambit nga botohan, 257 ka kongresista ang nagboto pabor sa impeachment, 25 ang nagpamatok, samtang siyam naman ang nag-abstain.
