Nagapati ang isa ka accredited lawyer sang International Criminal Court nga wala na sang legal basehan sa pagpatuman sang arrest warrant batok kay Senador Ronald dela Rosa matapos ginbasura sang Supreme Court ang iya ginpangayo nga temporary restraining order ukon TRO.
Sa interview sang Bombo Radyo kay Atty. Gilbert Andres, iya ginpahayag nga bangud sa desisyon sang Supreme Court, mahimo na nga mapadayon ang pagpatuman sang arrest warrant sang ICC batok sa senador.
Suno kay Atty Andres, kun ginakabig nga “fugitive from justice” ang isa ka indibidwal, mahimo na nga ipatuman sang mga law enforcement agencies ang arrest warrant sa legal nga proseso.
Samtang, nagalaum naman ang mga pamilya sang mga biktima sang war on drugs nga maangkon nila ang hustisya may kaangtanan sa imbestigasyon sang ICC sa maduguon nga kampanya batok sa iligal nga druga sang nagligad nga administrasyon.
