Nakilala na ang ikaduha nga Pilipino nga napatay sa mabaskog nga magnitude 7.7 nga linog nga nag-igo sa Myanmar sang damlag lang.
Matandaan nga ginkumpirma sang Department of Foreign Affairs (DFA) ang pagkakita sa mga bangkay sang una nga Pilipino nga napatay matapos ang pila ka adlaw nga pagpangita sang mga rescue team.
Sa isa ka statement, ginpahayag sang DFA nga ginpahibalo sa ila sang Philippine Embassy nga nakabase sa Yangon nga nakita naman ang bangkay sang ikaduha nga Pilipino nga napatay kag pila ka adlaw man nga ginapangita.
Napalab-ot naman sang ahensiya ang nadangtan sang biktima sa iya nga pamilya apang ginhinyo suno sang pamilya ang pagrespeto sa ila nga privacy.
Wala naman nagpaguha ang DFA sang dugang nga impormasyon angut sa nakita nga mga bangkay, bilang paghatag respeto sa hinyo sang pamilya.
Sa karon padayon nga ginapangita ang duha ka iban pa nga Pilipino nga una na nga nareport nga missing, kasunod sang mabaskog nga linog.
Marso-28 sang nag-igo ang nasambit nga linog sa central Myanmar nga nag-utod na sa kabuhi ang masubra 6,640 ka tawo.
