Ilang kabahayan at pananim sa Capiz, sinalanta ng buhawi
ROXAS CITY – Kaagad na isinailalim sa damage assessment ng Municipal Disaster Risk Reduction and Management Office (MDRRMO) ang mga kabahayan at pananim na sinalanta ng buhawi sa Sitio Agsaguksok, Barangay Mainit, Cuartero, Capiz upang kaagad na mabigyan ng kaukulang tulong.
Ito ang inihayag ni MDRRM Officer Ronald Guillermo sa panayam ng Bombo Radyo.
Nabatid na totally damaged ang bahay ni Nonita Bartonico, 71 anyos.
Partially-damaged naman ang bahay nina Rosally Urjacu, 52 anyos at Lelit Hallegado, 31 anyos.
Sinalanta rin ng nasabing buhawi ang mga pananim na saging na pagmamay-ari nina Punong Barangay Feddie Bartonico, 58 anyos at Rosario Bautista, 40 anyos.
Samantala, wala naman naitalang sugatan sa pananalasa ng nasabing buhawi.
