Mga sakayang pandagat sa Libas Fishing Port, Roxas City, temporayo nga nag-untat sa pagpangisda bangud sa padayon nga pagsaka sang gatong

Temporaryo nga nag-untat sa pagpangisda ang pila ka mga sakayang pandagat sa Libas Fishing Port, Roxas City, bangud sa padayon nga pagsaka sang presyo sang gatong nga dala sang nagapadayon nga tensyon sa Middle East.

Sa interview sang Bombo Radyo kay Mr. Garret Ansel Baes, Fishing Port Supervisor, iya ginpahayag nga apektado ang pagpanguha sang mga isda sa kadagatan bangud sa mataas nga operational cost.

Suno kay Baes, madamo nga mga sakayang pandagat ang nagapabilin lamang nga nakastanby sa pantalan.

Bangud sini, naganubo ang kita sang Libas Fishing Port  kun ikumpara sa nagligad nga tinuig.

Nagalaom man ini nga mahatagan sang nagaka-igo nga tikang halin sa gobyerno ang mga mangingisda.