ROXAS CITY – Napasaka na sa provincial prosecutors office ang kapin sa 60-70 ka mga panumbungon batuk kay Ramilyn Andrade kag Korean boyfriend nga si Kim Tae Hyeong sa bulig sang gobyerno-probinsyal.
Ginpahayag ni Provincial Legal Officer Atty. Esteban Angeles Contreras, nga may apat ka batch sang mga biktima sang illegal recruitment ang ila nabuligan nga makapasaka sang panumbungon nga large scale syndicated estafa batuk kanday Kim, Ramilyan kag pila ka mga katapo sang pamilya Andrade nga nangin kabahin sang illegal recruitment.
Sa nakuha nga impormasyon ni Contreras gikan sa iban nga mga biktima nga may yara sang mga indibidwal nga wala na sang plano nga magpasaka sang panumbungon matapos nakabaton na sang partial payment gikan kay Andrade.
Matandaan nga sang nag-estorya si Capiz Governor Esteban Evan Contreras kag Andrade nagpromisa ini nga ibalik ang kwarta sang mga biktima sa Disyembre 6 apang wala ini madayon sa baylo nagtug-an ini sa Disyembre 28 sini nga tuig.
Nagaplano sa karon ang gobernador nga maghatag sang financial assistance sa mga na biktima sang illegal recruitment sa diin ang pondo magahalin sa Provincial Social Welfare and Development Office.
Ginapasalig ni Contreras nga mahatagan sang bulig ang tanan nga mga na biktima sang illegal recruitment.
Sa karon mas pasangkaron sang gobyerno probinsyal ang PESO Capiz agud may yara sang madangpan ang mga indibidwal nga nagapangita sang trabaho.
