Iloy nalumos-patay sa banwa sang President Roxas

ROXAS CITY – Patay na sang nasapwan ang isa ka iloy sa Sitio, Pantalan, Barangay Viscaya, banwa sang President Roxas.

Ginkilala ang nasapwan kay Maria Fatima Villeza, 56 anyos residente sang nasambit nga lugar.

Sandig sa inisyal nga imbestigasyon sang President Roxas MPS, nakit-an nalang ni Melindo Doce, live-in partner sang biktima nga nagalutaw na ini sa suba.

Madasig naman nagpangayo sang bulig ang live in partner sini kag ginbululigan pakadto sa isa ka payag.

Nagapati si Doce nga nalumos ang biktima samtang nagapamulot sang bagongon sa madalom nga parte sang lugar.

Sa karon, padayon pa ang imbestigasyon sang mga kapulisan angut sa insidente.