-- ADVERTISEMENT --
Nag-file sa Kamara sang impeachment complaint batuk kay President Ferdinand Marcos Jr. si former National Youth Commission (NYC) chairperson Ronald Cardema.
Ang reklamo may kaangtanan sa pagpasugot ni Marcos nga dal-on si anay pangulong Rodrigo Duterte sa The Hague, Netherlands agud atubangon ang crimes against humanity sa International Criminal Court (ICC).
Gin-post ni Cardema sa social media ang pag-file sang reklamo, kun sa diin ginpahayag sini nga ang Duterte Youth Partylist ang magaserbe nga endorser.
Ini ang una nga impeachment complaint batuk kay Pangulong Marcos.
Wala pa sang pahayag ang liderato sang Kamara kaangut sa nasambit nga impeachment complaint.
-- ADVERTISEMENT --
