Nagdesisyon ang Senado nga ibalik sa House of Representatives ang impeachment complaint batuk kay Vice President Sara Duterte.
Sa boto nga 18-5 kag wala sang abstenstion, nagdesisyon ang Senado nga ibalik ang impeachment complaint sa Kamara de Representante.
Ang mosyon nga ibalik sa House of Representatives ang ginpasa ni Sen. Alan Peter Cayetano kun sa diin ginklaro sini nga indi buot-silingon nga ginbasura na ang kaso.
Ang mga nagboto nga kontra nga ibalik sa Kamara amu sanday Sen. Koko Pimentel, Sen. Risa Hontiveros, Sen. Nancy Binay, Sen. Grace Poe kag Sen. Sherwin Gatchalian.
Samtang, ang 18 nga nagpabor amu sanday Sen. Cayetano, Ronald “Bato” dela Rosa, Bong Revilla, Imee Marcos, JV Ejercito, Bong Go, Loren Legarda, Robinhood Padilla, Jinggoy Estrada, Francis Tolentino, Joel Villanueva, Pia Cayetano, Lito Lapid, Cynthia Villar, Mark Villar, Juan Miguel Zubiri, Raffy Tulfo kag Sen. Chiz Escudero.
