Ginpaathag ni Presidente Ferdinand Marcos Jr. nga importante ang Loss and Damage Fund. Ini ang isa ka mekanismo nga pinansyal nga ginahatag sang mga developed countries sa pagresolba sang mga problema nga tuga sang mga industrial activities sang mga manggranaon nga pungsod.
Sa nangin pahayag ni PBBM, importante suno diri ang pondo nga ini kag ang papel sang pungsod sa pagdumala sini.
Dugang pa sini, nagkasugot ang mga developed countries nga magpahamtang sang pondo nga ini agud mabuligan ang mga imol sa pungsod nga naga-antos sa climate change nga resulta sang mga industriyal nga aktibidad sang mga manggaranon nga pungsod.
Gintuad man sang Presidente, ang desisyon nga kun sa diin ang nasambit nga pondo ang nagadepende sa Loss and Damage Fund Board nga kun sa diin miyembro ang Pilipinas, rason nga suno sa iya importante ang papel sang pungsod nga maghatag sang dako nga impluwensya sa proseso sang paghimo sang nagakaigo nga desisyon.
Kumpiyansa naman ang chief executive nga bilang host sang LDF board, mapat-od sang Pilipinas nga mahatag sang maayos ang mga kinahanglanon kag concerns sang mga ini.
