Naglab-ot sa 1,520 nga mga palahian nga kanding kag 4,310 naman nga mga karnero ang natalana nga iimport sang Pilipinas matapos maaprubahan sang Department of Agriculture (DA).
Suno kay Agriculture Secretary Francisco Tiu Laurel Jr., ang nasambit nga tikang may tinutuyo nga himuon mangin mayo ang local nga populasyon sang Kanding kag Karnero sa pungsod partikular na sa bahin sang Mindanao.
Makabulig man ini sa pagpadamo sang mga lahi sang sapat bilang kabahin sang DA nga pabaskugon ang sector sa pag-atipan sang kanding kag karnero sa Pilipinas.
Ang mga kanding ang ipahamtang sa mga farm sa Barili, Cebu kag mangin sa Makilala, North Cotabato.
Samtang ang mga karnero naman natalana nga ipahamtang sa bahin sang North Cotabato.
Kaangut sini, ginkumpirmar man sang ahensya ang pagpatigayon sang bidding para sa ginaprubahan nga pag-import sang nasambit nga mga sapat.
