Nag-upod na ang Duha ka independent senators sa Minority bloc antes ang pag-convene sang Senado bilang impeachment court subong nga Lunes, Mayo 18.
Ini ang ginalakipan nanday Senador Juan Miguel Zubiri kag Senador JV Ejercito.
Antes ang pagdeklara ni Sen. Zubiri nga mag-upod siya sa minority bloc, gin-athag sini nga ang iya pag-abstain sa nauna nga leadership vote amo ang makaangkon sang kahilwayan sa pagboto sa mga isyu nga importante sa pumuluyo, apang luyag sini nga malakip sa Senate Minority Bloc kun organisasyon ang pagahambalan.
Sa pihak nga bahin, ginpanindugan naman ni Sen. JV Ejercito ang iya kahilwayan agud matuman niya sang husto ang iya mga katungdanan kag programa.
Ginpasalamatan man sini si Senate President Cayetano sa pagsalig kag kumpiyansa sa iya sa pagtanyag sa iya sang posisyon bilang Majority leader, isa sa pinakagamhanan nga posisyon sa Senado, nga iya ginbalibaran nga magpabilin nga independiente.
Sa katapusan, ginpili ni Ejercito nga mangin kabahin sang Minority bloc sang ginpamangkot siya ni Senate President Alan Peter Cayetano kon bala magapabilin siya nga independiente ukon sa minorya.
Bangud sini, ang minority bloc ang may yara sa subong sang 11 ka mga miyembro samtang ang majority bloc ang may yara sang 13 ka mga miyembro.
Sa subong, si Senador Vicente Sotto III ang Minority leader samtang si Senator Joel Villanueva ang nagaserbe nga acting Majority leader.
