Nagpagwa sang month-ahead inflation forecast ang Bangko Sentral ng Pilipinas (BSP) para sa Abril 2026, kun sa diin ginapaabot nga ang inflation magalab-ot sa tunga sang 5.6% tubtob 6.4%.
Suno sa BSP, nagdako ang risgo sang pagtaas sang presyo bangud sa padayon nga pagmahal sang domestic petroleum products, pagtaas sang presyo sang mga nagapanguna nga pagkaon pareho sang bugas, isda, kag karne, mas mataas nga pagsuloktan sa kuryente, kag ang pagkahina sang piso kontra dolyar.
Samtang, apisar pa nga ginapaabot nga makabulig ang pagnubo sang presyo sang mga utanon kag prutas sa pagnubo sa inflation, padayon nga mabaskog ang mga “upside risks” nga dapat bantayan.
Ginpabutyag sang BSP nga magapabilin sila nga mabinantayon kag magatutok sa mga palaabuton nga datos, ilabi na sa inflation kag economic growth prospects sang pungsod.
Gindugang pa sang BSP nga padayon nila nga ginamonitor ang sitwasyon sa Middle East kay posible ini makaapekto sa presyo sang langis kag sa kabug-osan nga aktibidad sang ekonomiya.
