Gin-anunsyo sang Iran ang liwat nga pagbukas sang Strait of Hormuz bangud sa nagapadayon nga “blockade” sang US sa ila mga pantalan.
Gintawag sang Iran ang mga aksyon sang US nga “piracy”.
Ginbawi sang militar sang Iran ang ila desisyon isa ka adlaw lang matapos gin-anunsyo sang Iran nga bukas na ang Strait of Hormuz kasunod sang deklarasyon sang napulo ka adlaw nga ceasefire sa tunga sang Lebanon kag Israel.
Gin-report sang maritime security sources nga may mga lupok gikan sa mga gunboat sang Iran nga nagpuntirya sa isa ka tanker.
Pila ka mga barko ang nagbalik bangud sa mataas nga tensyon.
Nahibaluan nga ang Strait of Hormuz, nga ginaagyan sang 20% sang langis sa kalibutan, nga nagtuga sang kahadlok sa pagtaas sang presyo sang langis.
Ginpahayag sang Iran nga magapabilin ang hugot nga kontrol sa nasambit nga strait tubtob nga dulaon sang US ang naval blockade.
