Iran, liwat nga ginsiraduhan ang Strait of Hormuz bangud sa mga pag-atake sang US forces

Gin-anunsyo sang Iran nga siraduhan nila liwat ang Strait of Hormuz, isa ka importante nga alagyan sang mga barko sa kadagatan, kasunod sang bag-o nga mga pag-atake sang Estados Unidos sang Amerika.

Suno sa Iran, indi nila pagpasugtan nga maglabay ang mga oil tanker, cargo ships kag iban pa nga mga barko sa nasambit nga lugar.

Ginpaandaman man nila nga mahimo nila targeton ang mga barko nga magapadayon sa paglabay sa Strait of Hormuz.

Apang, ginpamatukan ini sang Estados Unidos kag ginpahayag nga padayon gihapon ang pagbiyahe sang mga commercial ships sa amo nga ruta.

Suno sa Iranian state media, may nagakatabo nga tensyon kag komprontasyon sa tunga sang pwersa sang Iran kag Estados Unidos sa Strait of Hormuz.