Nagpaandam ang Iranian navy sa mga barko malapit sa Strait of Hormuz nga kinahanglan pa nila ang pahanugot gikan sa Tehran antes sila makaagi sa strait.
Suno sa report, nagpamahog ang Iranian navy nga Bombahon nila ang anuman nga sakayan pandagat nga magtinguha nga maglabay nga wala sang pahanugot.
Ang pamahog ginpaguwa matapos gin-anunsyo ni US President Donald Trump nga magasugot siya nga suspendihon ang mga pag-atake batuk sa Islamic Republic sa sulod sang duha ka semana, apang sa kondisyon nga buksan ang Strait of Hormuz sa “kumpleto, gilayon, kag luwas” nga paagi.
Ginpahayag man nga kalabanan sang mga barko nagapabilin nga wala nagalabay sa Strait of Hormuz samtang ang Iran padayon nga nagakontrol sa nasambit nga Strait.
Sa mga litrato kag video nga ginpaambit sang mga tripulante, makita man ang mga warplane nga nagalupad sa Persian Gulf.
Nahibaluan nga ang Strait of Hormuz ang isa ka makitid nga ruta sa tunga sang pungsod Iran kag Lebanon kun sa diin 20% sang supply sang produktong petrolyo ang naga-agi sa nasambit nga strait.
