Nagpamalibad ang Iran sa pagpadala sang isa ka negotiating delegation sa Pakistan tubtob yara sa gihapon ang US naval blockade sa Strait of Hormuz.
Suno sa report, ang Tehran ginapahayag nga indi mag-intra sa natalana nga negosasyon sa ceasefire sa Islamabad magluwas lang kon dulaon ang blockade.
Samtang, gin-anunsyo ni US President Donald Trump nga ang mga tiglawas sang Amerika maga-abot sa Pakistan sa Lunes agud magpadayon sang paghambalanay sa Iran.
Apang, wala niya gintumod kon sin-o nga mga opisyal ang magapasakop, kag wala pa sang pahayag gikan sa White House ukon sa opisina ni U.S. Vice President JD Vance.
Sa isa ka post sa social media, gin-akusahan man ni Trump ang Iran nga naglapas sa ceasefire agreement matapos gin-alegar nagpalupok ini sang shells sadtong Sabado sa Strait of Hormuz.
Nagpamahog man si Trump nga mahimo targeton sang Estados Unidos ang imprastraktura sang Iran, lakip na ang mga power plant kag mga taytay, kon indi ini magsugot sa ginaproponer nga kasugtanan.
