Opisyal na nga ginsara sang Islamic Revolutionary Guard Corps ang Strait of Hormuz kag ginpaandaman ang tanan nga barko paagi sa radyo nga indi anay maglabay sa amo nga dalan sa subong nga tion.
Bangod sini nga pahayag, madamo nga mga barko ang nagdesisyon nga maghulat anay kag indi magpadayon sa ila biyahe samtang naga-monitor sang sitwasyon.
Ang Strait of Hormuz isa ka importante nga dalan sang pangkalibutan nga pagbaligya sang enerhiya, bangod nagaagi diri ang halos 20% sang supp;y sang langis sa bilog nga kalibutan kag dako man nga bahin sang liquefied natural gas kada adlaw.
Suno sa mga eksperto, kun magpadayon ang pagsara bisan pila ka adlaw lamang, posible nga magsaka sing dasig ang presyo sang krudo kag maglab-ot sa kapin$100-120 per barrel ukon mas mataas pa.
Mahimo ini magresulta sa pagsaka sang presyo sang gasolina, diesel kag cooking gas sa nagkalain-lain nga pungsod, labi na sa mga nagalaum gid sa suplay halin sa Gulf region pareho sang India, China kag Japan.
Padayon naman nga ginabantayan sang kalibutan ang nagaluntad nga tensyon sa rehiyon bangod sa posible nga epekto sini sa global nga ekonomiya.
