Arestado ang isa ka estudyante pinaagi sa pagserbe sang mga otoridad sang warrant of arrest sa kaso nga Reckless Imprudence Resulting in Serious Physical Injuries and Damage to Property sa Barangay Poblacion Proper, Mambusao, Capiz.
Ang arestado amo si alyas “Ardy”, 18-anyos kag residente sang Brgy. Tumalalud sang amo nga banwa.
Sa interview sang Bombo Radyo kay Police Major Magallanes, Officer in-charge sang Mambusao Municipal Police Station, iya ginpahayag sang naggwa ang warrant sang arestado gilayon nila ini nga ginserbe.
Suno kay Magallanes, ang warrant of arrest ang gin-isyu kag permado ni Hon. Bernie Cordova Alfon, Presiding Judge, MTC, 6th Judicial Region, Mambusao, Capiz.
Sa subong, detain na ini sa kustodiya sang Mambusao MPS para sa nagakaigo nga disposisyon.
