Isa ka persona nasapwan patay sa banwa sang Panay

ROXAS CITY – Patay na sang nasapwan ang isa ka persona sa Brgy. Bato banwa sang Panay kahapon nga adlaw.

Ginkilala ini kay Jeffrey Permano Alvarez, 38- anyos, kag residente sang Brgy. Sibaguan syudad sang Roxas.

Suno sa impormasyon nga nakuha sang Bombo Radyo sa Panay MPS, nakita ni Susan Borda si Alvarez nga nagahigda sa duta kag sa iya pagtsekyar wala na nagaginhawa.

Gilayon man ini nga gindala sa Roxas Memorial Hospital (RMPH) sang Panay Emergency Ambulance, nga ginpangabay sang iya asawa nga si Jennifer Alvarez.

Ginsiling ni Jennifer nga nagasupreher sang balatian nga hypertension ang iya nga asawa.