Isa ka puluy-an sa Hinigaran, Negros Occidental, naglab-ot sa halos P1 million ang bill sang kuryente

Ginkakibot sa isa ka konsumiddor sang Negros Occidental Electric Cooperative ang bill sini sa kuryente nga naglab-ot sa halos P1 million.

Ini amo si Razel Jane Sobusa nga  nagapangayo sang pagpaathag sa nasambit nga Electric Cooperative.

Suno kay Sobusa, masami nga yara lang sa 4,000 tubtob P6,000 ang ila average nga ginabayaran sa kuryente kada bulan.

Ginpahayag man sini nga residential lang sila sa area sang Hinigaran, Negros Occidental.