[ WARNING: SENSITIVE CONTENT ]
Arestado ang duha ka lalaki matapos nangawat sa isa ka resort kag ginlugos pa ang kahera sa Trece Martires, Cavite.
Base sa imbestigasyon sang mga otoridad, nagpakuno-kuno ang mga suspek nga mga customer agud makasulod sa resort sa Barangay De Ocampo.
Pag-abot nila sa lobby, gintayaan nila sang armas ang kahera kag ginpatay ang suga.
Nakuha sang mga suspek ang halos ₱3,000 nga balor sang kwarta halin sa kaha, duha ka cellphone, kag pila ka gamit.
Matapos sini, ginapahayag nga gindala sang mga suspek ang kahera sa kusina kag diri ginhimo ang pagpanglugos.
Nagpatigayon sang backtracking ang pulisya kag nadakpan ang duha nga positibo nga na-identify sang biktima.
Nagapangatubang sa kaso nga robbery with rape kag illegal possession of firearms ang mga suspek.
